О, Пресвятая и Преблагословенная Мати Сладчайшаго Господа нашего Иисуса Христа! 
Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, Великому Новуграду от нея явленное во дни ратнаго на сей град нашествия. 
Смиренно молим Тя, Всесильная рода нашего Заступнице: якоже древле отцем нашим на помощь тогда ускорила еси, тако и ныне нас немощных и грешных Твоего Матерняго заступления и благопопечения сподоби. Церковь святую утверди, град Твой и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. 
Ей, Госпоже Всемилостивая! Умилосердися на ны, обуреваемыя грехми многими, простри ко Христу Богу Богоприимнеи руце Твои и предстательствуй за нас пред благостию Его, просящи нам прощения прегрешений наших, благочестнаго, мирнаго жития, благия христианския кончины и добраго ответа на страшнем суде Его, да спасаеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепое имя Достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь

Икона "Пресвятая Богородица «Знамение» Курско-Коренная"-"Греция"

Икона Пресвятой Богородицы "Знамение"-"Под старину"

Икона Пресвятой Богородицы "Знамение"-"Афонская"

Святый великомучениче и целебниче Пантелеймоне! Моли Бога о нас рабе Божьей (имя) и не допусти долее оставаться в ней болезням, коими болит душею и телом! Исцели те язвы и струпы, кои причинены нам страстями нашими. Болим мы леностию и расслаблением исцели ны. Болим влечением и пристрастием к земным предметам исцели ны. Болим, о святый Пантелеймоне! Болим забывчивостию: о деле спасения, о наших грехах и немощах, о наших обязанностях исцели ны. Болим злопомнением, гневливостию, ненавистничеством исцели, о целебниче СвятоАфонский и всемирный. Болим завистию, гордостию, надменностию, превозношением, при всей скудости и непотребстве исцели ны. Болим многими и разными припадками плотоугодия: чревоизлишеством, невоздержанностию, многоядением, сластолюбием исцели ны. Болим сонливостию, многословием, празднословием, осудливостью исцели ны, о святый Пантелеймоне! Болят наши очи греховными воззрениями, болят наши уши слушанием пустословия, злоречия, наветов исцели ны. Болят руки нерасположением к молитвенному воздеянию и к подаянию милостыни исцели ны. Болят наши ноги нежеланием поспешно идти в храм Господень и стремлением к хождениям по стогнам и к посещениям домов мирских исцели ны. Болит, зело болит язык наш, уста наши: пустословием, празднословием, злоречием, отвращаясь от молитвословий и славословий, или произнося их небрежно, рассеянно, без внимания, без понятия исцели ны, о милостиве! От главы до ног болим мы: болит в нас разум непонятливостию, неразумностию и безумием; болит в нас воля, отвращаясь от святых занятий и стремясь к делам вредным и богопротивным; болит в нас память, забывшая наши прегрешения и содержа в себе неутратно согрешения и оскорбления ближних наших; болит в нас воображение, не умея и не желая живо представить нам нашу смерть, вечную муку грешных, блага Царствия Небесного, Божий гнев, крестные страдания Христовы, Его распятие исцели ны, о святый Пантелеймоне! Все в нас болит. Немоществует и душа наша вся со всеми ее силами и способностями. Немоществует и тело наше все со всеми его членами. Исцели рабу Божью (имя), о святый Пантелеймоне, Целебниче безмездный и любвеобильный Врачеватель, слуга Пресвятыя Богородицы, и не оставь наше окаянство в толицех недугах и в толицей немощи: да исцелясь твоею благодатию, прославлю Пресвятую Троицу, Отца и Сына и Святаго Духа и Пресвятую Богородицу, тебе на служение болящим посылающую, и возблагодарю твою, о святый Пантелеймоне, цельбоносную.

О, всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю вселенную, ты еси праведник, яко финикс процветший, насажденный во дворех Господа своего: живый в Мирех, миром благоухал еси, и миро приснотекущее благодати Божия источаеши. Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне. О, преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед, тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими Богоприятными молитвами вся полезная ко спасению душ и телес наших: сохрани святую обитель сию (или: храм сей), всякий град и весь, и всякую страну христианскую, и люди живущыя, от всякого озлобления помощию твоею: вемы бо, вемы, яко много может молитва праведнаго, поспешествующая во благое: тебе же праведнаго по преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощи и отверзи двери милосердия Божия; понеже недостойны есмы зрети высоту небесную, от множества неправд наших: связани есмы узами греховными, и николиже воли Создателя нашего сотворихом, ни сохранихом повелений Его. Тем же преклоняем колена сокрушенна и смиренна сердца нашего к Зиждителю своему, и твоего отеческаго заступления к нему просим: помози нам, угодниче Божий, да не погибнем со беззаконии нашими, избави нас от всякого зла, и от всякие вещи сопротивныя, управи ум наш, и укрепи сердце наше в правой вере, в ней же твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще Отца и Сына и Святаго Духа, единаго в Троице славимаго и поклоняемаго Бога, ныне и присно, и во веки веков. Аминь

Складень Святой "Николай Чудотворец"-"Складни тройные синайские"

Икона "Святой Николай Чудотворец"-"Фреска"

Икона "Святой Николай Чудотворец"-"Холст синайский"

Шкатулка с ликом "Николай Чудотворец"

Складень Святой "Николай Чудотворец"-"Складень тройной синайский"

Икона "Святой Николай Чудотворец"-"Византийская"

 Икона "Святой Николай Чудотворец"-"Греция в киоте"

Икона "Святой Николай Чудотворец"-"Синайская"

Икона "Святой Николай Чудотворец"-"Синайская(арка)"

Икона "Святой Николай Чудотворец"-"Под старину"

Икона "Святой Николай Чудотворец"-"Греция"

 Икона "Святой Николай Чудотворец"-"Под старину"

Икона "Святой Николай Чудотворец"-"Афонская"

Икона "Святой Николай Чудотворец"-"Синайская"

Складень "Святой Николай Чудотворец"-"Складень тройной под старину"

Икона "Святой Николай Чудотворец"-"Византийская"

Икона "Святой Николай Чудотворец"-"Иерусалимская"

Складень "Николай Чудотворец"-"Складни с молитвой под старину"

Икона "Святой Николай Чудотворец"-Под старину(арка)"

Складень "Святой Николай Чудотворец"-"Складни с житием под старину"

 Икона "Святой Николай Чудотворец"-"Греция"

О, святая великая благоверная царице Тамара! Мы грешнии (имена) и смиреннии, яко к теплой защитнице и скорой помощнице усердно прибегаем, просяще помощи и заступления в бездне бед великое дерзновение к Богу имееши, помолись о нас в печалех, нуждах и напастех сущих, и заступи нас от всех врагов видимых и невидимых, наипаче же от бесовских козней и хитростей, наглых нападений и льстивых погружаемых, иже на всяк день и час нам от человек лукавых приключающихся, и различными болезньми одержимых, да твоим заступлением, коль подступов, да не будем им в поругание и посмеяние, и твоею крепкою помощию их от нас отгони, якоже отгнала от страны Иверской и верную любовь к Богу в сердцах наших утверди и достойну соделай.Егда же приспеет наше от временного сего жития отшествие и к вечности переселение, скоро в помощь нам предстани, и от насилий вражиих свободи, яко имееши жизнь вечную, и приведи сердца наша к истинному покаянию, да и мы нескверными усты и чистой совестию предстанем Пресвятей Троице, прославляя и воспевая ю, со всеми святыми в бесконечные веки. Аминь

Икона "Святая царица Тамара Великая"-"Под старину"