Тропарь

Благости научився и трезвяся во всех, /

благою совестию священнолепно оболкся, /

почерпл еси от сосуда избраннаго неизреченная /

и, веру соблюд, равное течение совершил еси, /

священномучениче Дионисие, /

моли Христа Бога /

спастися душам нашим.

Кондак

Небесная врата прошед духом, яко ученик/ до третияго Небесе достигшаго апостола, Дионисие,/ неизреченных обогатился еси всяким разумом/ и озарил еси во тьме неведения седящия./ Темже зовем:// радуйся, отче всемирный.

Молитва

Моли Бога о мне, святый угодниче Божий Дионисие, ако аз усердно к тебе прибегаю, скорому помощнику и молитвеннику о душе моей.