О Всемилостивая Госпоже Богородице, Небесная Царице, всемощная Заступнице, непостыдное наше упование ! Благодарим Тя о всех благодеяниях, в роды родов российским людем от Тебе бывших, отдревле и доднесь от чудотворныя иконы твоея явленных. И ныне, Преблагая Владычице, призри на ны грешныя и недостойныя рабы Твоя, яви нам милость Твою и моли Сына Твоего, Христа Бога нашего, о еже избавитися нам от всякого зла, и сохранитися всякому граду и веси и всей стране нашей от глада, губительства, труса, потопа, огня, меча, нашествия иноплеменник и междоусобныя брани. Сохрани и умудри пастырей Церкви, еже достойно пасти стадо Христово и право правити слово истины; укрепи христолюбивое всероссийское воинство, подаждь дух совета и разума военачальником, градоначальником и всем, иже во власти суть; ниспосли святое Твое благословение и всем православным христианом, покланяющимся Ти и молящимся пред цельбоносною Твоею иконою. Буди нам  Заступница и Ходатаица пред престолом  Всевышняго, идеже предстоиши. К кому убо прибегнем, аще   не к  к  Тебе, Владычице? Кому принесем слезы  и воздыхания,  аще не к Тебе, Пресвятая Богородице?  Не имамы иныя надежды, разве Тебе, Небесная Царице.  Под  Твой кров притекаем; молитвами Твоими ниспосли нам мир, здравие, земли плодоносие, воздуха благорастворение, избави ны от всяких бед и скорбей, от всяких недугов и болезней, от внезапныя смерти и от всех озлоблений врагов видимых и невидимых. Вразуми и научи ны, о Всемилостивая Заступнице, путь земнаго сего жития безгрешно прейти. Ти веси немощи наша, веси и согрешения наша, но и веру веси и упование видиши : темже даруй нам исправление греховныя жизни и умягчи злая сердца наша. Укрепи в нас правую веру, вложи в сердца наша дух страха Божия, дух благочестия, дух смирения, терпения и любве, в добрых делах преуспеяние; избави нас  от искушений, от пагубных душевредных учений, от неверия, развращения и погибели вечныя. Тебе убо просим, Пречистая Владычице, и припадающе пред святою Твоею иконою молимся: умилосердися на ны  и помилуй ны, в Страшный же день Суда ходатайством и заступлением Твоим сподоби ны стати одесную Сына Твоего, Христа Бога нашего, Ему же  подобает всякая слава, честь и поклонение со Безначальным Его Отцем и пресвятым и Благим и единосущим Его Духом, ныне и присно, и во веки веков. Аминь

Икона Пресвятой Богородицы "Владимирская"-"Фреска"

Икона Пресвятой Богородицы "Владимирская"-"Холст синайский"

Икона Пресвятой Богородицы "Владимирская"-"Греция в киоте"

Икона Пресвятой Богородицы "Владимирская"-"Синайская"

Икона Пресвятой Богородицы "Владимирская"-"Под старину"

Икона Пресвятой Богородицы "Владимирская"-"Греция"

Икона Пресвятой Богородицы "Владимирская"-"Византийская"

Икона Пресвятой Богородицы "Владимирская"-"Иерусалимская"

Складень Пресвятой Богородицы "Владимирская"-"Складни с житием под старину"

Складень Пресвятой Богородици "Владимирская"-"Складни тройные под старину"

Складень Пресвятая Богородица "Владимирская"-"Складни тройные синайские"